陳俞希（Hailey）、李禹燊（Oscar）和黃汛一（Jake）主持的ViuTV節目《周六食花生》，明晚（27日）播出的新一集請來電影《九龍城寨之圍城》的林峯、劉俊謙、胡子彤及張文傑現身，分享拍攝時的趣事和感受。《九》片中有大量打鬥場面，林峯透露拍攝時曾受傷︰「有個動作係要S字形走位，之後去檢查嗰陣先發現原來十字韌帶斷咗一半；有次試戲嗰陣，我喺2樓同武師對打，佢向我進攻，我就要向後退。點知，我唔小心差錯腳，就由2樓跌咗落1樓。好彩下面有一堆道具墊住，我無點受到傷，但最唔抵係當時未Roll機，無拍到。」
劉俊謙透露他拍攝時不慎被電單車死氣喉燙傷小腿；胡子彤則意外被踢傷下巴，需縫14針。談及對彼此的印象，劉俊謙笑言小時候是看《尋秦記》長大，所以林峯是陪他成長的一個大哥哥。他指林峯十分溫柔和細心：「佢知道我非常喜歡金莎。有日拍到好攰，佢就送咗盒金莎畀我。我個刻真係覺得，嗰盒金莎係我嘅所有。」 4位嘉賓被問及下次合作想拍什麼題材時，林峯笑言想拍BL四角戀，令現場眾人哭笑不得。
