方皓玟（小明）近日推出和吳保錡合唱新歌《人間垃圾》，最近她外遊充電，不時在社交平台貼靚相，雖然相中的她大部分都以小背心上陣，不過小明身形愈來愈瘦，變了骨感美人，有網民指小明雖然有型，但也留言叫她不要再瘦下去，擔心她健康或情緒出現問題。
日前小明在Ig留言多謝大家慰問：「感恩大家近期好關心我健康，會唔會太瘦。其實我每日都食足3餐㗎，平時去茶仔我會食晒成碟炒飯再加杯奶茶。睇我手瓜起𦟌咁款，就知道我日常的確好勤力操練。所以大家唔駛擔心，不過我都會聽大家話，再努力食多d（啲）食多d（啲），炒飯一碟再加多份西多士啦。」
同時亦有網民指小明相片疑似P圖過度，昨晚（4日）她在Ig貼相並寫道：「既然大家咁關注我有冇P圖，就俾2張絕密私照，你地睇下啦。一張係極緻P圖嘅小明。一張就係"Filter/P圖/化粧（妝）"乜都無，太乾搽咗d（啲）潤唇膏嘅小明。」
