大坑小店「放牛吃草」 靜歎酒店級鬼馬靚扒

文章日期:2017年04月22日

【明報專訊】大坑近年聚集大批個性小店,面積小小的酒吧食肆百花齊放。每次想要遠離銅鑼灣的喧鬧,都會跑來這個寧靜的社區搵食,尋找驚喜。最近進駐大坑的美式扒房Bovini Steakhouse & Bar,店面不起眼,想不到有香港半島酒店出身的大廚坐鎮炮製靚牛扒,可謂深藏不露。

並非每個年輕人都喜愛繁華熱鬧,餐廳創辦人之一Kenneth Leung就對寧靜的大坑情有獨鍾,去年於華倫街開設歐陸式小館Warren,今次再在大坑開美式扒房。他表示:「大坑像是城市後花園,好舒適,經過時並沒有鬧市的感覺,還有好多小店。」扒房的裝潢以大地色為主色調,燈光昏暗,情調滿分。至於餐廳名字「Bovini」,意大利文解作牛族,顧名思義,主打吃牛,每季引入不同的牛部位,滿足每位「牛魔王」。

全用美國Prime Grade牛扒

廚師團隊均是香港洲際酒店及香港半島酒店出身,另一創辦人兼行政總廚Billy Wong,就曾在半島的Felix及大堂茶座任職,入行已23年。餐廳的牛扒全屬美國Prime Grade品種,像最受歡迎的肉眼,Billy先加入海鹽、胡椒、cajun粉調味,再煎香牛扒邊的肥膏,分別用網及板爐前後燒兩次,再放入焗爐焗香,多重步驟令肉味更濃郁。值得留意的是伴碟的牛隻造型脆片裝飾,用麵粉、蛋及奶焗成,配上沙律菜,原來是想帶出放牛吃草的意境。

招牌牛膝飯 軟腍足料

菜式以大路的西餐為主,選擇不算多,賣的全是心機。招牌菜牛膝意大利飯就既花時間又花工夫,Billy先將雜菜、茄膏及燒汁炒香,然後選用足300克的荷蘭牛膝,調味後拍上麵粉煎脆,再混入炒香的雜菜,用錫紙包裹以180℃焗2.5小時,然後再調低至150℃多焗2小時,牛膝軟腍入味,底部的意大利飯亦吸盡醬汁,啖啖滋味。

蟹餅亦值得一試,選用運動量十足的菲律賓蟹肩肉,肉質綿密結實,混合蛋黃醬、燈籠椒、黑椒及cajun粉先煎後焗,香口而不油膩。

要知道一間餐廳水準如何,還要試試它的麵包和沙律。每位客人都可免費享用的餐前麵包Garlic Bun,脆口得來有蒜香,一問之下才知道是自家工場的出品。相比之下凱撒沙律的味道驚喜不大,凱撒汁用銀魚柳、蒜、白汁等新鮮調配,加入羅馬生菜、巴馬臣芝士及麵包粒,用透明碗盛載,吸睛度大大提升。

4.5吋「心太軟」夠過癮

正所謂好戲在後頭,最令人滿足的原來是甜品大型朱古力心太軟,直徑足4.5吋,選用比利時70%朱古力,用200℃焗製,切開時香濃的朱古力漿一湧而出,拌以冰凍的自家製雲呢拿雪糕,一冷一熱的口感相當過癮,實在值得回味!

■秘製醬汁

自選好玩「啫喱」加料

牛扒是否好吃除了視乎肉的質素,醬汁亦是關鍵。行政總廚Billy就自家研製出多款醬汁啫喱(圖a),暫時就供應黃芥末、紅酒及薄荷3款口味,讓客人自由選擇,把啫喱放在熱辣辣的牛扒或羊架上,任由它慢慢融化成醬汁,增添惹味亦同時增添樂趣!

■Bovini Steakhouse & Bar

地址:大坑銅鑼灣道128號地舖

查詢:2886 9381

文:高嘉莉

圖:黃志東、餐廳提供

編輯﹕蔡康琪

food@mingpao.com

相關字詞﹕每日明報-飲食