謝賢（四哥）、曾江、胡楓（修哥）及Joe Junior遠赴俄羅斯拍攝的節目《4個小生去旅行》今晚首播，節目上半集主要播出4個小生在不同場景互窒的片段，下半集才播出眾人遊覽莫斯科著名景點紅場的情節，其間亦看到小生們不停互窒。網民看畢首集後的評價好壞參半，有人讚小生對話搞笑，有人則認為「最好睇係佢哋鬧交，唔係睇風景」。至於謝賢早前怒摑曾江，有網民認為看畢首集後，曾江是「真心寸」，謝賢就火爆，不似宣傳，只是難為胡楓及Joe Junior。
節目開初播出大量小生互窒畫面，謝賢及胡楓直指曾江乃火爆之人，曾江在鏡頭前說：「唔罵TVB。」又看到曾江因身體不適，需要坐輪椅代步，謝賢此時說：「TVB唔好搵廢人啦。」節目又播出眾人遇性感美女畫面，曾江上前以英文跟美女溝通，又親吻美女的手。
有網民稱「佢吔講嘢笑鬼死我」、「好鍾意聽曾江講英文」；有網民則譏諷「原來最好睇係佢哋鬧交，唔係睇風景」，「唔明點解佢不停散收收咁播晒啲凌碎片段出嚟，咁之後唔使睇都得啦」，甚至認為Joe Junior「真係成個路人咁」，「點都要有個做下把」。
