懷孕8個多月的官恩娜，今日傍晚6時多在Instagram上載游泳時在水中自拍的短片，官恩娜雖挺着巨肚，但游蛙式仍然動作靈活。官恩娜留言「成個大冬瓜咁……我自己照鏡有時都忍唔住笑咗出嚟！仲要游蛙式真係成隻青蛙咁嘅樣」。有網民留言表示，官恩娜的BB將來會是游泳高手。
另一名懷孕約8個月的準媽媽梁政珏，今早在Instagram上載素顏照，她留言表示胎兒情況近來不太穩定，不知是否因為BB生媽媽的氣，梁政珏寫道：「兩日前媽媽沒事做，散步行咗去嬰兒房，我講咗啲令JohnsonBaby唔高興嘅說話，自此就好唔隱（穩）定喇。Johnson仲用個頭頂住媽咪右邊，等媽咪連企喺度都痛到要人扶，對唔住啦仔，媽咪錫（惜）返你。」官恩娜留言鼓勵梁政珏，她寫道：「對你有信心，你咁努力，Johnson唔會嬲你嘅！有老公同Johnson 咁錫（惜）你！好幸福呢！」
