【明報專訊】官恩娜（Ella）自上月生B後，囝囝BéBé G轉眼已滿月，為了照顧囝囝，起初忙到連社交網站唔得閒玩，暫時復工仍未有期，近日終於稍有時間，再和大家分享照顧囝囝的過程，昨日她上載一張正在餵囝囝飲人奶的溫馨照片，原來她想和大家分享一下餵母乳的好處，又因為經常被一班奶粉擁躉洗腦，所以要在網上表明堅持哺乳到底。Ella說：「走上全埋身餵哺母乳之路後，發現身邊有好多閒人會畀好多冇建設性錯誤同過時嘅意見你！佢哋嘅小朋友大多係飲奶粉大！郁啲就叫你補奶粉！同你講佢湊咗幾十年BB，等你唔敢唔信佢！我認為佢哋係一班完全冇餵哺母乳知識嘅危險人物！好彩我意志夠堅定加上有妹妹嘅支持！我會努力餵落去！」所以她上載餵奶相亦代表她意志堅定要餵人奶。
娛樂組
