【明報專訊】甄子丹、熊黛林（Lynn）、張晉合作的電影《葉問3》前晚在九龍灣舉行首映，其他演員譚耀文、吳千語、陳國坤、蔡瀚億及導演葉偉信、老闆黃百鳴也有來撐場外，甄子丹更偕同太太和子女一家四口支持，而張晉則與太太蔡少芬亮相，唯獨Lynn卻未見男友郭可頌出席。有指她對舊愛郭富城未忘情，之前跟城城高調鬥曬幸福，惹男友不滿爆冷戰？Lynn笑說﹕「唔係呀嘛？」
熊黛林（Lynn）表示不知道有未忘舊情的報道，而無邀男友睇首映，她解釋說﹕「自己未看套戲做成點，不夠膽給他看。」男友可有呻過不開心？她說﹕「唔會，他無講過，亦好少睇新聞。」她直認現在跟男友感情好sweet﹕「佢話會跟屋企人睇戲支持我，有時間我都會陪他睇。」
與男友沖繩度聖誕 Lynn﹕唔會閃婚
Lynn透露待完成馬來西亞宣傳和上海的拍戲工作，會跟男友轉飛沖繩旅行共度聖誕。之前有傳他們結婚？Lynn澄清﹕「未呀，今次單純去旅行。」有無想過閃婚，或到當地影婚紗相？她說﹕「唔會啦，我較喜歡喺自己住的地方，唔急嘅，慢慢嚟，唔想講太多，佢好理解我工作，不過佢係圈外人，唔想佢有壓力。」她又否認男友不出現是避傳媒﹕「戲入面的老公今日已在場，將來我真的有老公才帶出來，盡快啦。」
甄子丹 帶正能量到全世界
甄子丹台上表示拍攝該片無收片酬，但受訪時表示純屬開玩笑﹕「點會唔收，老闆黃百鳴會唔會唔收監製費？佢收好多添！」他又爆老闆經常呻不夠錢製作，演員收太多片酬，最後還是面露四萬笑容，仲追拍第4集﹕「老闆以生意為出發點是正常，演員就講藝術。」《葉問》還會開幾多部？甄子丹說﹕「唔知，但無諗過《葉問3》要等5年才開，黃百鳴追了葉偉信好耐，希望再拍不用等太耐。」他對電影票房有信心﹕「呢部戲我覺得自豪，不止是一部電影，也是一個精神，可以帶正能量到全世界。」
張晉周身傷 蔡少芬心痛
張晉和太太蔡少芬著情侶裝襯到絕，蔡少芬期待看老公作品，她說﹕「老公有戲上開心過自己有新戲上，知道他和子丹打得好緊要，好想睇。」不過她也戥老公心痛﹕「他拍戲周身傷，要每晚做電療醫舊患。」
張晉坦言之前拍戲受傷，回家上樓梯要扶着行，不敢畀太太知﹕「我不怕再接打戲，最好多點戲拍。」蔡少芬笑言不會叫老公減少拍打戲﹕「不要只講錢，太低俗，他為藝術犧牲，欣賞他的拚搏精神。」
記者﹕鍾一虹
攝影﹕鍾偉茵
■更多娛樂猛料 ﹕ol.mingpao.com
