不少圈中人捱眼瞓欣賞歐洲國家盃決賽，袁詠儀（靚靚）在Instagram上載老公張智霖與兒子「魔童」睇波合照，靚靚表示兩父子捧葡萄牙，自己則捧法國。
李彩華亦在微博打卡，原來她身在法國欣賞決賽，她捧葡萄牙，起初見到葡萄牙球星C朗拿度傷出，就表示：「我的C羅離我而去﹗unhappy中。」不過最後葡萄牙入波，她則說：「Happy中，加油呀葡萄牙，你入波我開心得哭了﹗」
而伍詠薇亦學人睇波，但換來一對熊貓眼，她說：「就是熊貓眼的節奏...學人睇波..下半場開波，本小姐一世葡萄牙行運相，一定贏....然後就昏睡過去，點知加時才入球，五點半起身望下電視再瞓，現在已經化了一半妝去開工的狀況，勁眼瞓。」至於陳奕迅及黃偉文亦與友人齊齊睇波。
