《城寨英雄》大結局，此劇死得人多，多個主要角色難逃一死，搞到觀眾淚流不止。那個角色大家最鍾意、唔捨得佢死呢?香港討論區就有「永別龍成虎專區」，短短兩日有逾10萬views，可見伍允龍演的龍成虎(貓仔)在觀眾心目中佔很重要，很重要的位置!
有網民留言:「係一個好好嘅角色！最初真係估唔到龍成虎咁有血有淚！」、「浪子回頭根本唔應該死」、「佢著老西擰轉面望Audrey 個幕正到痺」...有留言貓仔是出古惑，只是躲起來；有回應:「係就好喇！好似以前咁，每次阿咩有危險，貓仔都會衝出嚟保護佢！遇神殺神，遇佛殺佛！」有網民要捧伍允龍爭「最喜愛男角色」，又有提議開拍龍成虎前傳。雖然角色死了仍被熱捧，貓仔真係好唔得閒。
