《城寨》大結局，帶缺憾的愛情總是令人懷念，貓仔、花曼的死令柯德莉與牙佬沒有了另一半，網民還是念念不忘。刁蘭與拳佬雖然有情人終成眷屬，但有網民就情願刁蘭死埋，覺得更轟烈。
全劇論死得最震撼唔少得竹鑾，結局篇才現真功夫，練鐵布衫的不死身令觀眾睇到嘩嘩聲，咁都唔死?演竹鑾的歐瑞偉獲網民激讚，次次打到爆衫，中佬身材fit爆。見佢被打拳拳到肉，跳樓跌落嚟又唔死，被刁蘭用刀插又無事，隔住個mon都戥現實中的歐瑞偉肉痛。加上竹鑾的角色在前期未露真面目時，成個快樂老實人咁，亦正亦邪拿捏準確，監製都讚歐瑞偉做足200分；看來「最佳男配角」有得爭!
