「索腿天后」陳敏之在冬至(21日)誕下可愛B仔「冬至」，全家上下開心到震，身為「大姨媽」的伍詠薇昨日偕老公練海棠和哥哥Richard齊齊到醫院探望，話送勁嘢給B仔的伍姑娘，今日在社交網揭盅送什麼，原來是送了玉鈪給B仔，只見「冬至」捉得玉鈪實一實，十分可愛。
對於成為新手媽咪，敏之透過短訊回覆《明報》說：「初頭唔係好慣和熟手，但經過我努力後可經好好多了！已經有初乳可以餵佢！」至於伍姑娘接受電話訪問時，被問到B仔是否很靚仔？她說：「佢大耳仔、貼仔耳，代表會聽老人家話，個鼻又高又大，大鼻知乜啦(聚財)，手指、腳趾長似媽咪，樣子似爸爸！」問有沒有叫敏之追多個？她說：「我話希望她三年抱兩，佢話盡力，我呢個大姨媽認為1子1女就最完美，希望B仔大個好似facebook創辦人(朱克伯格)一樣。」
談到其演出的舞台劇《嬉春酒店》，伍姑娘話最難就是「焗蟹」(忍笑)，就連台下觀眾也禁不住跟她一起笑！
(即時娛樂)
熱門文章
