【今日直擊】鍾嘉欣今日身穿露腰裙，孖住好姊妹胡杏兒出席賀歲活動，嘉欣今次「即日來回」，出席完活動便趕返加拿大繼續湊囡囡Kelly，她不覺辛苦，還表示好享受。
嘉欣一講Kelly便眉飛色舞：「囡囡6個月大，現在最好照顧，她未懂得行，在機上只是睡覺，適應能力強，又無耳仔痛。」她又指想教識囡囡講「Hi」：「我和老公講笑，我要囡囡叫我做媽媽，我老公話叫爸爸先，最後我們協議教她講Hi，因為Kelly經常笑，大家又惜她，如果她懂得講Hi，我諗有禮貌的小朋友會好抵惜。（她識講嘢未？）歪歪哋音，我當她識，6個月大講BB話，現在真的好好玩，又笑騎騎，好Cute。」
至於會否追多個？她表示會追，但不是立即追，因為太快追多個會好辛苦，自己湊唔切，所以都是慢慢來。
