【今日直擊】黃心穎昨晚到澳門出席春茗活動，提到緋聞男友馬國明(馬明)大讚孝順好仔「悶有悶好」。對此，馬明今日與過氣緋聞女友朱千雪出席活動時，即甜笑說︰「咁開心？」問到他又覺得心穎為人怎樣？馬明說︰「佢係幾爽嘅女仔，太刁僑扭擰我唔識搞﹗」談到心穎已開緣燈，馬明有甚麼表示？他就反而有點扭擰地說︰「係咪真㗎？老作誇大咗成件事咋？我都唔知係唔係，我生日禮物都冇收過﹗(人哋女仔開晒口喇？)再了解吓先啦﹗我哋係了解緊，但未有時間再約出嚟了解，大家都比較忙。再約出嚟去邊都有人影到㗎喇，我哋真係再約會邊呃到你哋呀，如果真係有約會都會大方咁畀你哋影，但大家遷就少少，真係閃到頭都暈，可唔可以唔開閃光燈影呢？」
