由羅嘉良（撈家）﹑鄭俊弘（Fred）﹑李佳芯和賴慰玲等合演的劇集《與諜同謀》，昨晚首播，話晒都是54歲兼3屆視帝的撈家「回巢」力作，觀眾自然萬分期待，再加上向來形象乖乖仔的Fred，今次轉戲路演奸角，也有一定新鮮感。
由於撈家演出的經典劇《創世紀》﹑《天地豪情》﹑《流金歲月》及《難兄難弟》，實在深入民心，今次在《與》孭飛演「卓君臨」一角，外界難免會作出比較，觀乎昨晚首集演出，54歲的撈家雖略呈老態，但不少網民仍讚撈家演得好、壓到場兼寶刀未老，更指他有「葉榮添」的影子；有讚當然亦有彈，有網民留言指撈家沒有以往凌厲眼神、亦指他個樣很累，加上太刻意Close up他的思考小動作。
Fred今次挑戰奸角，網民同樣有彈有讚：「鄭俊弘都唔差，不過有改進空間，可以再自然啲」﹑「首集表現都唔錯」﹑「佢演呢類奸詐角色，似乎未夠氣勢、未夠型格、無壓場感」、「如果第一集出場個個讚就驚喇，有網民批評好正常，就算做到點好都有人唔鍾意，毋須介懷」。
