【今晚直擊】鄭俊弘(Fred)今晚拖著何雁詩(Stephanie)出來公開戀情，Fred談到過往對感情好低調：「之前一段感情無人知，甚至連Step都唔知。但呢段感情已經終結咗。至於原因，我為保護同尊重對方不會多講。」他承認之前處理不好，多謝Stephanie對他的愛護及信任。對於被封「世紀賤男」？他說：「呢啲唔回應喇！我所講嘅都講晒！希望大家畀啲祝福同空間我哋。」
他們被拍到拖手睇村屋，是否計劃一齊住？Stephanie直言：「係有一齊睇，但未想咁遠。希望呢段時間畀少少支持我哋，特別係畀阿Fred，佢好辛苦、好大壓力。我唔喺香港呢段時間，你哋睇住佢啦！」然後甜笑。公司知否公開戀情？Stephanie說：「知道嘅！」問到戀情誰做主動？她認為不用多講。對戀情有無信心？她肯定說：「無信心今日唔會企出嚟！」之前她說因病推劇，強調與今次事件無關係，但承認最近的事會有一定壓力，要刻意隱藏一段感情亦會有壓力。
今次事件Fred是否怕影響事業發展？他說：「呢段其間fans對我嘅支持好大，唯有一步步來，向前看，做好自己。」
