無綫新劇《不懂撒嬌的女人》播出頭兩集後，坊間引來極大反應，大讚題材夠貼地。當中黎諾懿飾演的「賤Han」，劇集中力數唐詩詠是高齡產婦，沒有嫌棄一齊外，實質四出拈花惹草，被網民激讚角色夠賤。黎諾懿今日接受《明報》電話訪問，他說：「大家話賤即是成功，「賤Han」這次只是開場，相信去到中段時大家會更喜歡，點解咁速和唐詩詠分手，是要舖如下的劇情。今次新劇是講身邊總有1、2個朋友會咁樣，正如我和詩詠這一對，就算朋友如何講你男朋友幾唔得，叫你快走，佢都唔會走，永遠會有無限藉口，『佢唔喺咁﹗』，會畀好多機會男朋友，好似電影《志明與春嬌》所講，女人總會遇過賤人才會醒。當然「賤Han」之後不會就咁離開公司，無可能咁容易放過詩詠及王浩信，遲些更會扯上高海寧，白雲及中台女演員等，不止被人掌摑咁少事。」
能否劇透多些？黎諾懿表示：「下星期一會令全香港人再鬧，現在好多人同居，會有好多東西一齊供或買，當男人返到屋企會點，是否會計數呢？問心講，若果買一架車時好甜蜜，分手之後又如何處置，送畀女方或唔要呢，但講到成層樓或銀行存摺呢？「賤Han」到時會做出來給大家睇，更不單止摸女仔咁簡單，大家密切留意。（今次題材好貼地？）是，見到我們幾個主角，是代表香港成日出現的人，例如詩詠代表「愚愛」，想講身邊永遠有這些人存在，我角色現實一樣有，會一腳搭兩船，「賤Han」就一腳搭幾船，最主要想講他會結婚，肯承擔，但要接受佢的缺點，佢會出外拈花惹草，又肯對你認真。」
繼「馬壯」之後另一代表作？他說：「希望可以，想講「賤Han」不是壞人，賤得來好實在，又無做過壞事，只是呃過女朋友，從無外出偷呃拐騙，你問佢會坦白，其實是幾可愛。高齡產婦都無嫌棄你這句對白，真的是講女友年紀大，我仍有一齊供樓，到後期會見到他愈來愈好笑又可愛，性格上是有缺憾，不是奸的角色。（不擔心出街被鬧？）愈鬧會愈開心，覺得馬壯是入了大家心，點賤都有個低，始終演員是有突破去衝擊一下，若果之後改口叫我「賤Han」，原來我做其他角色都可以，總好過做什麼都是馬壯。（太太有何反應？）OK，我不敢和她講角色之後會點做，等她睇到先講﹗（有信心拎角色獎？）希望，今年都希望綜藝方面有獎，到時試下得唔得﹗」
