【今日直撃】洪永城與唐詩詠昨晚正式宣布分手，結束兩年多的戀情。今日洪永城率先單獨公開面對傳媒，現身他主持的全新旅遊節目《退休地圖》，台上偶有笑容，可是明顯憔悴，失戀心情不時流露面上。
洪永城完成正常宣傳工作後，再坐下來接受現場廿多傳媒訪問。問他昨晚公布「分」訊後能否入睡或已輕一口氣？洪永城說：「呀…，應該咁講，當然心情唔好，相信Natalie（唐詩詠）都係，但是惟有move on。其實大部份我要講，噚日我同Natalie係IG及Facebook上面，盡量講晒畀大家聽，希望、盡量感情事留返畀我哋自己，這些是比較私隱，今次都是情侶分手，希望大家可以體諒。（有否挽救過感情？）每對情侶一定會有，一定會傾，一定會嗌交，處理、相處上會有些意見不一致，我們亦不例外，最後作出一個決定，睇嚟是最合適決定。（何時有分手的決定？）幾時…，大慨是今年，已一段時間﹗」
洪永城強調兩人分開不關結婚分歧或第三者問題，可是今日就有報道指唐詩詠與周焯華（洗米華）頭號愛將盧啟邦已秘密拍拖一個月。洪永城表示：「我都是今日啱啱睇到新聞知道這件事，…﹗（知不知她們有咁發展？）我就唔知﹗（Natalie有否提及盧啟邦？）佢都無同我提過呢個人﹗（知不知她們正拍拖？）據我所知Natalie是單身…，公審完，走啦﹗」
