《不懂撒嬌的女人》今晚(第20集)最後一幕戲是Saving(王浩信)激動鬧爆游生(袁文傑)，不論對白及動作都似足《創世紀》劇中許文彪(陳錦鴻)的經典場面，原來是無綫刻意重現這一幕向《創世紀》致敬！
Saving大爆發的導火線是賤Han(黎諾懿)摸Cherry(唐詩詠)手說要重新追求，又踩Saving軟飯王，激得他揮拳打賤Han。游生入來，他連游生都鬧埋。游生擺起老闆款說：「我係老闆，我有錢，想點玩就點玩，你收得我人工，就算畀舊屎你，都要同我食咗佢！」
Saving怒火一發不可收拾，連珠炮發說：「我唔係無試過食，我安份守己，日搏夜搏，掙得嗰一萬幾千。但係呢班人識商場識管理咩？淨係攞少少錢、少少時間出嚟，炒呢樣升嗰樣，巴之閉，咁叫公平咩？」他拉著游生埋窗邊，繼續說：「你出去是但搵個人嚟問，問佢哋想要乜嘢？佢哋只會答你想要份安安定定嘅工，點解佢哋用成世人搵份安安定定嘅工呀？因為有你哋呢啲有錢佬喺度玩嘢，愈有錢愈有得玩，呢個世界公平咩？呢個世界公平咩？」他肉緊捉實游生塊面，游生問他：「你癲夠未？」Saving激動說：「我教你做老細要負社會責任，要照顧員工，同埋令呢個世界有少少唔一樣。」劇集到這裡完結，之後Saving還會再說：「呢個世界係有公平㗎！」然後打游生一拳。
對比《創世紀》許文彪版本，只是有些字眼改動，如「建築」、「起樓」變成「商場」；「要好普通好普通嘅樓」變成「要份安安定嘅工」，其他基本上相同。
網民對這幕有不同意見，有說Saving為打工仔出氣，大快人心！亦有覺得這幕來得太突然，較為刻意。
