【今日直擊】麥長青（麥包）今日接受商台訪問。提到與無綫簽部頭約，麥包笑說：「現在撈散工，會否再拍劇就不到我揀，睇睇啦！」面紅紅的麥包透露早前拍網劇《奪命島》時，發現患上高血壓，他說:「之前離巢無綫，好多商戶畀好多工作我做，有次連踩4日拍攝、出活動，突然覺得塊臉好熱有啲血衝緊上嚟，我驚自己中風，立即去睇醫生。」
麥包指當時報告未出又到內地工作，靠女兒電話匯報情況，知道醫生要求他戒酒、戒肥膩食物和減磅，「我好多應酬，唯有飲少一點，不過17歲女兒見到就鬧我，她是管家婆，惡過我老婆，問我有事她點算！還有好多朋友請我試菜，自己又籌備推出自家品牌即食鮑魚，我都好鍾意食的，所以找營養師幫手，希望返到180磅，其實減30磅對我來講好困難。」
