【今晚直擊】胡杏兒懷孕近5個月，今晚依舊穿上3吋高跟鞋出席活動，由於以貼身衫示人，上圍明顯升Cup。對於自己肥胎不肥人，杏兒笑說：「慶幸無乜肥，不過見都OK，大肚當然會肥。BB都好乖，雖然我最近胃口不好，但食嘢都識落佢度，醫生都話BB體形比實際大，手長腳長似Daddy，照超聲波見到個樣都似老公（李乘德）。（已知仔或女？）佢好曵，唔係用手遮住個樣，就是遮住重要部位，所以醫生唔想估錯，建議我驗血最好，更可以驗下有無遺傳病。」杏兒表明仔女都無所謂，皆因唔打算生一個，更話上圍升Cup好正常發展，最開心現在仍可以著到自己想著的西裝褲。
至於老公有無話陪開工？她說：「他很放心，不過工作單位就好擔心，成日想扶住我，自己都覺穩陣，只是朋友叫我不要行太快，自己都要習慣一下。」杏兒透露未計劃幾時停工養胎，應付得到都想做，現時都有上網睇育嬰知識，或正式去上分娩班。
