【今日直撃】陳茵媺今日正式復出拍電影《日月星》，與原島大地、湯怡及夏韶聲等合作，戲中飾演英語老師，更會教原島大地用寫信方式維繫愛情。
陳茵媺表示：「復工好開心，開工都會唔捨得小朋友。（小朋友有否喊？）他們OK，想跟我返工，有少少想知媽咪做什麼，要解釋媽咪是做演員。（3個都好黐身？）阿女、大仔特別黐身，都會有掛住，上次拍戲都2年前，第1場戲都有少少唔慣，相信好快又再適應。」
陳茵媺慶幸老公陳豪剛拍完新劇，可以在家照顧小朋友，皆因大家都想維持其中一個家長在家，「應該唔會再隔一排先再拍戲，現在有傾其他作品，最重要睇時間及角色。（陳豪樂做湊仔公？）相信他幾享受，我都等好耐先再開工，現在好興奮。（和TVB已無約？）無，都有再傾，大前提是3個寶寶，時間上很難就到，拍劇要花3、4個月時間。」
陳茵媺表明用了個半月時間keep fit，好滿意現時收身成果。
