林作曾與前港姐冠軍麥明詩拍拖，自然對選美有深入見解，昨晚得知雷莊𠒇成為新一屆香港小姐冠軍後，林作在個人社交平台留言，並作出個人的分析，不知是否包括舊愛麥明詩呢？
林作留言：「有錢女去選港姐，這個年代註定同高學歷的女仔一樣，會常態化。雷小姐家境完全唔值得人驚奇。見到有些網民不解為何有錢女走去選港姐，我笑咗，你真係同當今社會脫節。有錢到億萬富豪的家庭，講真，唔需要個女去好好打份工。今時今日，在香港打份工，每個月拿幾萬銀，升職做大事業機會渺茫，對她們來講，都唔知為乜。有錢，個女仔自己想要的，就會係fame。冇乜港女會想要權，名氣先係她們渴望。港姐在香港唔知為何地位崇高，唔會有第二種更好出位的辦法。如此落去，港姐參選代表會係兩極化，一是好有米，一是家境好一般。同香港社會整體趨勢一樣。」
