【明報專訊】男神王宗堯昨日為新書《我都係香港人》在書展舉行簽名會，吸引數十粉絲捧場外，碰巧同場「美魔女」羅霖亦搞簽名會，引得王宗堯也要八卦吓，即互相踩場及互贈簽名新書，之後更握手合照。
王宗堯笑說﹕「行過攤位有見到羅霖寫真集，但又打開睇過。（會否跟羅霖交換作品？）好，如果有機會的話，她真的Keep得幾好。（可有留意其他女星的寫真？）無留意，我喜歡睇文字書，希望老闆從中發掘出好劇本，我亦可以參與拍攝。」
談到新書的銷量？王宗堯說﹕「已經賣了過千本，希望會加印再版，之前朋友寫的序趕不及放入書內，希望再版時補回，並印明自己這次大部分收入會捐去樂施會。感覺幾有意義，能完成出書心願，將想寫的都全部寫出來。」
寄語楊母﹕幾忙都要睇緊啲
明年會否再出書？「要看有否適合題材，或者出攝影集，寫真就不會了，喜歡幫人影相。（是否專影女生？）影相都要小心點，不可以亂影。（可有留意美心妹妹楊鎧凝事件？）有，感覺幾可惜。（楊媽媽透露自己睇漏眼？）知道她好多工作，但盡可能好好把關，無論有幾辛苦、幾忙也好，自己睇緊啲，會令整件事出來接近原本所想。至於有否收錢，大家都不知道，我今次都有收錢，我捐出來不代表無收錢，覺得多少總有收。」
記者﹕梁榮達
■更多娛樂猛料 ﹕ol.mingpao.com
