79歲的四哥謝賢打曾江事件成為全城熱話，大姐大縱橫娛樂圈多年，當然要同大家跟進來龍去脈，睇下究竟搞邊科？修哥（胡楓）挺身幫80歲曾江擋一掌，被網民讚身手敏捷好勁，大姐大第一時間打電話畀83歲的修哥讚佢成為「救『火』英雄」，想唔到修哥身手咁敏捷？
修哥對大姐大笑語:「我『領』咗佢一嘢!」修哥都讚自己確實身手敏捷，所以保持健康好重要！修哥又話，目前未聯絡四哥同曾江，他說：「等佢地下咗啖氣先，如果眼鏡有爛，就一定要謝賢賠。」大姐大問修哥要曾江點報答他？他笑謂：「叫他送多副眼鏡啦。」
對於有人認為他們夾計宣傳，修哥反問：「點夾？係咪謝賢話：『我打喇』！我就起身去擋？」
