大姐大今日真係好忙，同大家跟進「小生出手，全城熱爆」的最新消息！剛剛又同Ken哥（曾江）通過電話，佢心情似乎冇受「被打」影響，依然中氣十足和大姐大傾偈，大姐大問Ken哥：「有冇嬲四哥大庭廣眾突然咁做？」他說：「唔需要嬲任何人，我自問唔係完美嘅人，亦唔覺自己冇錯，我覺得今次可能大家『窒過頭』，你窒我、我歡迎，但我窒你、都希望你能接受，我都有窒阿修同Joe啦。」
大姐大又問：「但四哥話下周一《4個小生去旅行》開播請食飯，睇你敢唔敢嚟喎？」Ken哥話：「如果佢請我怕乜去？比個機會大家握手，坐低有乜傾清楚，都幾十年朋友啦！」有機會有續集出現，大家敬請留意啊！
