【明報專訊】現年36歲的歌手官恩娜（Ella），其中法混血囝囝BéBé G終於露面了！上月4日出世的Gabriel-Antonio Maurellet，昨日剛好滿月，媽咪終於抱着BB見大家，Ella更代囝囝說：「大家好！我是Gabriel-Antonio Maurellet，今天是我滿月的大日子！很高興和大家見面！」
忙餵哺母乳無更新近况
待產之時變成「曬相狂魔」的官恩娜，在誕下B仔後，近乎絕迹社交網上平台，原來她忙於盡偉大母親的責任就是餵人奶。她表示這段時間絕對是其人生至此一刻，最幸福快樂的事。出世時6.7磅的BéBé G，當日由法籍老公Juan-Domingo Maurellet親手為兒子剪臍帶，滿月之後看來大隻了一點。Ella發放給傳媒的3張照片中，囝囝都在熟睡，果然是睡寶寶；其中一張Ella抱起BB，原來兩母子的側面很似樣，尤其高鼻與尖下巴都是遺傳自媽咪。
人生最幸福快樂一刻
Ella還親自寫了自己過去一個月新手媽媽的感受：「過去嘅一個月，有好多喜悅好多感動想同大家分享！因為埋身餵哺母乳同照顧BéBé G已經用晒我所有時間，所以一直未有更新近况。堅持埋身餵哺母乳，因為我想將最好嘅比（畀）BéBé G！而且嗰種親密嘅肌膚接觸同心靈交流係好難有嘢可以取替！雖然比拍電影拍電視劇幾個月冇得瞓更加疲倦！不過當我見到BéBé G食飽飽好滿足嘅樣，我就覺得所有嘢都係值得㗎！最重要係佢可以吸收到我嘅抗體，更加健康強壯！我真係好鍾意成為媽咪嘅感覺！ 絕對係我人生到呢一刻為止最幸福快樂嘅事！將來諗返同BéBé G並肩作戰嘅日子，一定會係好甜蜜嘅回憶！」
娛樂組
