【有短片:Emily Online】馬逢國錯講顧嘉煇「已經離開咗我哋」 慢必促澄清 (17:30)

文章日期:2016年02月04日

立法會今日繼續審議版權修訂條例草案,到咗下晝3點幾,因人數不足流會,但喺開會期間,體育、演藝、文化及出版界議員馬逢國發言提到CASH時,擺咗大烏龍,講錯咗著名作曲家顧嘉煇「已經離開咗我哋」,「慢必」陳志全要求澄清。

話說馬逢國講起CASH係有4000幾個會員,而呢啲會員,「從好出名嘅、已經離開咗我哋嘅顧嘉煇、黃霑,作曲作詞人,到一啲寂寂無聞、仲係度等緊機會嘅年輕創作人……」

等馬逢國發言畢之後,「慢必」就站起要求馬澄清,指「煇哥」今個月尾仲要喺紅館開演唱會噃。

主席曾鈺成隨即要求馬逢國解釋何謂「離開咗我哋」?馬於是澄清說,「包括離開咗我哋嘅黃霑叔,同埋好出名嘅作曲家顧嘉煇先生。」

(即時港聞)

相關新聞:陳志雲諷馬逢國稱顧嘉煇「離開咗我哋」 邀約睇煇哥月底紅館騷