亞視喺愚人節落幕，唔少巿民喺最後一刻齊齊轉台睇亞視，但勢估唔到連說好的「告別卡」都無埋，唔少人喺網上呻「中伏」、「被呻」、「亞呃人」。而亞視喺午夜前最後3秒，原本重播緊2013年嘅亞姐特備節目，畫面突然sharp cut變成藍色，亞視「最後一面」嘅係羅霖同另外幾位亞姐飲住紅酒講人生道理，羅霖講出亞視最後兩句話：「但我覺得女人在每個階段都應該要獨立，特別是經濟獨立……」網民就解讀到相當有深度嘅寓意，話亞視曲線支持香港獨立。
羅霖最後說話的畫面截圖喺網上瘋傳，唔少網民留言話「原來驚喜就係呢樣，以為佢CUT得咁傻的嗎？原來係有message留畀全港市民嘅神級結尾！」。更有人形容亞視係「真．香港良心」。不過亦有人話亞視員工心死，對於時時被拖糧感到厭倦，愚人節過後，都係時候獨立，特別係要過可以經濟獨立，即係有糧出的生活。
