【《十年》獲獎】擔心秋後算帳? 爾冬陞:唔怕亦唔會 不信電影界現白色恐怖 (20:03)

文章日期:2016年04月04日
《十年》贏最佳電影 爾冬陞稱沒受壓 不希望政治牽涉電影

《十年》獲頒金像獎最佳電影的爭議沸沸揚揚,爾冬陞台上的「恐懼論」亦受外界不同解讀。他今午接受《明報》電話訪問,強調不相信電影界會出現白色恐怖,外界實在過於擔心,希望大家明白「最應恐懼的就係恐懼本身」的真義,不應過份解讀。

事隔一夜,《十年》獲獎的爭議未休。原先打算先讓外界消化輿論的爾冬陞,今午向記者進一步解釋內心想法,被問及會否擔心因頒獎言論而被秋後算帳,爾冬陞覺得「成件事講大咗」,強調「唔怕亦唔會」,「我諗呢個就係好多人會有嘅恐懼,我冇囉。我唔覺得會(發生)。我感覺到好多人有過度嘅憂慮,過度去諗白色恐怖,所以我先有感而發去講(昨晚「恐懼論」感言)。」

他又不相信電影界內會出現白色恐怖。「我哋一國兩制,要理解佢(中國)嘅國情、佢嘅決定,以前(金像獎)都冇轉播啦。而家只係有一班年青人拍咗一部戲,內地唔轉播而已。」他又再次引用昨天的言論,「唔洗放大、唔洗咁驚,『我們最應恐懼係恐懼嘅本身』。」

近年續執導的爾冬陞,將於本年暑假在中港兩地上映新戲《三少爺的劍》。對於言論會否影響票房、甚至個人未來在內地的發展,爾則輕鬆笑說,「呢啲咪就係去揣測,如果你覺得有呢個可能,咪放長雙眼睇。」

另外,身兼香港金像獎協會主席的爾冬陞昨晚出席慶功宴時,曾表示若金像獎變得太政治化,便會辭任協會主席一職。對此,他有點無奈地說,「其實我覺得(政治化)好煩,唔好煩我啦。如果你令到我厭惡,我就唔做啦。我只是一個拍電影的人,又一把年紀。」

不過他也稱,「其實又煩唔過拍一部電影嘅,只係如果我唔享受就唔做啦,做人都係咁,係咪?但仲有兩年任期都會做埋嘅。」 但他仍然希望,外界不要過份解讀他的說話,應該集中注意力於金像獎本身。

《十年》相關新聞:

- 爾冬陞:反對政治加入電影 太政治化會辭職

- 爾冬陞:好Surprise 憂政治電影綁架金像獎

內地傳媒沒提《十年》膺最佳電影?監製蔡廉明:我諗大家都知咩事

-《十年》摘最佳電影 林建岳唔認同:香港電影界不幸 舒琪激讚爾冬陞非常勇敢

-《十年》售予TVB? 導演伍嘉良感詫異 稱不想賣給無綫

-《十年》贏最佳電影 監製:多謝金像獎夠膽頒這個獎給我們

- 爾冬陞﹕藝術娛樂不應受政治干預(2016年4月2日)

- 港九新界34個地點同步放映 千人街頭看《十年》(2016年4月1日)

- 內地停播香港電影金像獎(2016年2月20日)