講述香港10年後境況的電影《十年》，獲頒香港電影金像獎「最佳電影」殊榮，但有人形容是「不幸」，亦有業界人士直指《十年》僅50萬元製作，不能叫「最佳電影」。不過香港電影製作行政人員協會代表、金像獎董事局董事田啟文（田雞）認為要尊重賽果，強調「最佳電影」不應以金錢或投資價值決定。
田啟文今早於商台節目指出，如果要達到某投資水平才得到「最佳電影」，是「不科學」亦「大蝦細」，「點為之大細？冚把冷都係誠意之嘛，出嚟感染到人嘅，咁佢咪可以有被提名同獲獎空間」。
田啟文舉例，曾獲「最佳電影」的《天水圍的日與夜》，成本僅200萬元，「某啲人講（《十年》）係咪過譽，唔應該用電影（投資），要尊重賽果」。
他又說，尊重每人講法，但強調不同意「50萬是實驗電影，不屬最佳電影」看法，認為以投資額比較並不公平，「突然間有個人用50萬做好靚嘅，咁你係咪心服口服啊？唔應該用錢、投資價值決定」。
