黎明（Leon）連日透過facebook與粉絲互動，昨晚他更首次在開騷時用facebook的直播功能與眾同樂，雖然直播只有4分鐘，但已吸引5.3萬人同時看直播，而截至今日下午3時，該片段在17小時內累積了130萬瀏覽次數，逾萬個分享(share)及2萬多個留言，成績驚人。
不少網民留言稱感動，又大讚黎明發放正能量：「好多謝你帶俾香港人咁多歡樂、見到你有咁多支持你嘅人，真係好感動好想喊，Like爆你呀！」、「好似現場一樣咁high!」，又有粉絲留言：「可唔可以開part 2」、「晚晚都有live就好啦！」另外，有網民大讚黎明懂得利用fb宣傳，他們寫道：「玩fb live玩到咁出神入化，你都算第一人」、「Leon好嘢，facebook直播仲要係自拍，你贏晒啦」、「真旅遊大使，林建岳學嘢啦」。
