周潤發早前因身處外地未能參加《寒戰2》香港首映，昨日他跟發嫂到鑽石山荷里活廣場的百老匯戲院，親身排隊買飛。發哥一身招牌行山Look在售票處排隊，隨即被市民認出大叫:「發哥呀!」有主動讓發哥先購票，但他守規矩跟住超長人龍排隊，期間應要求跟市民不停自拍。
發哥成功購票但入戲院時被重重包圍，發哥任影滿足大家要求，有位女士突然爆發哥在《寒戰2》的金句，說:「我下半世咩都唔做，剩係招呼你一個。」發哥聞言笑說:「吓?淨係招呼我!?」。發哥睇完戲跟同場觀眾即興開簡單分享會，說:「應該有第三集，睇下家輝臨尾望住個仔的表情...」全場起哄說要看第三集，又一定要有發哥演出，更多人大叫「發哥好有型!」讚到發哥話怕自己瞓唔著。
發哥稱今次跟影迷一起看戲感覺過癮，他是專誠買票入場支持《寒戰2》 。截至7月14日，《寒戰2》 票房累積33,218,640港元。
(即時娛樂)
熱門文章
【去上海見粉絲】宋仲基玩直播 摸耳仔曬鬚根
