郭富城演唱會的智能舞台千變萬化，城城與舞蹈員在舞台上又唱又跳，令觀眾目不暇給。其中一幕他先戴著巨型頭罩，穿紅色西裝亮相，之後吊上半空盪鞦韆，觀眾嘩聲四起。
另一幕讓觀眾嘩嘩聲，是城城除衫騷八嚿腹肌，還擺出多個大隻佬甫士，觀眾讚嘆不已。城城還換上鐵幕誘惑軍人Look，穿白色軍裝及戴黑超，型爆！
首場未見城城女友方媛的影蹤，其間城城感性說：「之前拍咗個微電影廣告，感受到照顧小朋友真係好難。其實自己都好想成家立室，有自己嘅小朋友，我都唔細喇，但依家都覺得工作好重要。」他又說：「工作嘅時候唔可以有其他嘢阻礙我，我要勇往直前去做，因為工作嘅成果會有你哋嘅欣賞。如果唔係今時今日，我唔會有你哋嘅咁多歡呼聲同掌聲。」
