【明報專訊】許冠傑將於10月舉行紅館演唱會，67歲的歌神夠貼地，玩網上互動搞「齊齊選Sam歌」，呼籲樂迷投票選出心目中的代表作。圈中好友率先支持，繼黃子華與佘詩曼拍片力撐後，昨日輪到黎明化身「明福俠」現身，陳慧琳更一家四口出動，由老公Alex唱《最佳拍檔》，兒子蝦餃仔及小龍包則負責伴舞。
昨日歌神先向黎明挑機，拍片呼籲：「Leon，聽講你個明福俠好堅，我唱支歌畀你聽，你幫我整『Sam福俠』，我要有豹紋！」Leon收到歌神呼喚，3小時後化身明福俠留言「給香港樂壇的師祖Sam哥的回覆」，他說：「Hello Sam哥，主要明福俠是唔識得整衫的，所以整唔到豹紋。不過，知道你要開演唱會，恭喜晒！一切順利。」然後以輕快的語調唱出：「半斤八両做到隻積咁嘅樣，快啲快啲去買飛支持Sam哥啦！」
陳慧琳全家捧場
阿Sam又隔空問陳慧琳，有沒有教她的兩個寶貝仔唱歌？Kelly又最愛哪首歌？Kelly拍片回覆歌神，表示有教兒子唱他的歌：「我講你都唔信，畀我搵番幾年前拍的片段，你自己睇吓……」隨即播出2013年的家居片段，蝦餃仔與捧着奶樽的小龍包輪流跑到鏡頭前，有把男聲在唱《最佳拍檔》，卻改了歌詞：「我名叫蝦餃，最鍾意飲奶，手指腳趾我都舔晒，有啲似嗲哋有啲似媽咪……」原來是Kelly老公Alex在背後高歌。
早前拍片支持阿Sam的「男神」黃子華點唱《雙星情歌》、佘詩曼唱住「誰令我當晚舉止失常」要求點唱《印象》，譚詠麟則選擇《是雨是淚》。
