陳茵媺為陳豪生下兩子一女之後，暫時都以照顧仔女為重，尤其早前兩個兒子與她輪流病，日以繼夜照顧重辛苦過拍戲，看來都應該復出未有期，Aimee雖然都好鐘意同仔女相處，不過「王后」困得在宮中太耐，都好想出宮行吓，繼日前為好友戚黛黛開婚前派對之外，她今日又帶囡囡Camilla出巡，Aimee一手抱住她口中的「小豬豬」還可以自拍，果然是熟手媽媽，原來「小豬豬」好多頭髮，雖然只睇到背面，但其圓碌碌身形，媽媽真係冇幫佢改錯乳名，她留言:「小公主今天陪我出工shopping ！難得嘅單對單嘅時候！ 我太喜歡獨自揸車獨自帶小公主或者小王子出宮玩啊！」
