鄭秀文(Sammi)昨晚紅館第4場演唱會嘉賓是杜德偉，數年前許志安曾在球場被誤認是杜德偉，當時有網民上載與安仔合照說：「叫佢杜生都唔睬人！」鬧出笑話。
昨晚杜德偉與Sammi在台上說話時，觀眾不停叫「許生」、「安仔」，Sammi都忍不住笑說：「佢哋都唔聽你講嘢！」杜德偉哀求說：「今日可唔可以畀我做番杜生！」Sammi卻鬼馬帶領觀眾齊聲叫：「許生唔睬人嘅！」杜德偉再苦笑說：「乖啦！今日最後一次，如果之後出街再叫我許生，我真係會唔睬佢，唔好話我寸！其實我同許生好易認啫！」Sammi再搞笑說：「我都覺得唔似，但試過半夜，咦，點解杜德偉瞓喺隔離嘅？」全場爆笑。
杜德偉接著指Sammi應請當日球場認錯「嗰個荗利」(之後說尊重點改叫「嗰位仁兄」)做嘉賓，當面問：「我哋邊忽似？」
杜德偉又曬他在演唱會穿三角褲及安仔的泳褲照，Sammi看到嘩嘩聲，封他們是「兩大巨鵰」。
