張名雅本月9日與律師男友蔡錦豪結婚，原本開心喜事竟鬧出是非。事後有人爆料指開門利市只得$3,800，令張名雅要捉「內鬼」，一班姊妹齊成為嫌疑人物。姊妹之一的陳庭欣今日說張名雅已知內鬼是誰，指張名雅在婚禮的兄弟姊妹群組留言「有緣再見」後，便將群組刪除。
聯絡張名雅問會否公開誰是內鬼？她說：「自己知係邊個。」她重申：「姊妹都清楚知道個數（開門利市）有5位數，因為大家確確實實分咗開門利市嘅！所以我都係嗰句，無所謂，最重要係開心事，我都無嬲，只係覺得身邊仲有好多好好朋友。最緊要做好自己，謊言一定會自破。」
