49歲的蘇永康自言「老來得子」宣布太太懷孕一索得男，當他談及對囝囝的寄望，蘇永康一番生仔「不想生梁天恆」論，昨晚青年新政的梁頌恆在facebook以蘇永康《不想獨自快樂》的歌詞回應:「我放任自負 懶理會某君不喜歡」，接著更以:「生仔真的唔好似梁頌恆，生存不了的。雖然自己無吸毒，但令媽媽終日憂心忡忡，未能與她分擔家裏的重擔，實在心中有愧。」雙方不同政見的網民惹爭辯，更有網民在蘇永康Facebook留言翻舊帳指其曾在台灣吸毒被捕等，但不少留言都被刪、被Block，網民罵他不敢面對。
明報記者聯絡蘇永康，問他對於梁頌恆指自己無吸過毒有何睇法?「阿公」(蘇永康)說:「佢有無吸過毒佢自己先清楚，我對佢無任何睇法，我只係唔支持佢係政治上面的做法。」蘇永康對於網民翻舊帳重提吸毒事件及指責其將留言刪掉，他說:「各位，小弟唔係好識 facebook 。 全部係歌迷幫我開同幫我搞的。所以我無刪留言，亦都無block過任何人。我老婆還同我講， 其實乜嘢聲音都有，有鬧都有好多讚。對於我個人言論，大家唔駛咁激動，我唔係想同人嗌交。多謝大家咁睇重我的說話，對於大家重提我十幾年前的過錯，我絕對唔介意，因為我係錯過，但係錯完之後，我有承擔，有負責任去改正。香港最好係有言論自由，思想自由，我有個人自由，大家都有各樣自由，我真心希望大家要好好珍惜，唔好亂搞去破壞香港目前仍擁有的最珍貴的自由空間。」
