天王黎明和天后陳慧琳（Kelly）昨日到澳門出席回歸騷，同場還有黎明新女JC、林奕匡、陳柏宇等做表演嘉賓。其間黎明突然變「明福俠腔」介紹澳門慶祝活動，不過他逐幾粒字逐幾粒字講，非常搞笑，他說：「澳門...11月...有...賽車...今日...呢度...之前...又有...馬拉松......」他解釋：「前排觀眾有喇叭無問題，但在後台聽到好大回音，澳澳澳……門門門……1個字乘10，黐埋一齊講就聽唔到，要逐個字彈住講。」果然是金句王！
至於Kelly以一身型格打扮亮相，獻唱快歌《戀愛神經》和《大日子》時，愈跳愈勁，全場觀眾都站起來跳舞！
