與魯芬合拍電影《Delete愛人》中有咀戲的王祖藍，憶述與魯芬的點滴︰「同魯芬姐合作每次都好開心，無論賀歲片或者錄獎門人，佢都係好好玩，到今時今日我都話要向魯芬姐學習，要豁得出去，才可做搞笑節目。」他又解釋拍電影那場法式濕吻咀戲是自己主動要求加上去︰「我問芬姐ok嗎，佢就話你得我實得，就豁咗出去﹗take咗好多take，但大家好開心，因為覺得效果好唔介意，所以佢係好專業、好專業咁去搞笑。」祖藍又記得魯芬出席他婚禮時，因為主題是化妝舞會，於是專誠扮烏蘇拉出席，花盡心思務求為大家帶來驚喜︰「我哋要記住魯芬姐最專業、最搞笑嘅一面﹗」
