【今日直擊】準新娘王君馨今日單拖出席陳明恩婚禮，她坦言未婚夫原本一起出席，但聽到有記者在場即大打退堂鼓，惟有自己獨自來取經。問到她婚禮籌備情況？她說︰「籌備得好好，應該會喺香港開一個好開心嘅party，擔心擺酒比較困難，我又唔鍾意mark住，酒會大家飲杯嘢，開開心心跳吓舞。(確實日期？)我想著婚紗靚靚，唔想著住件褸，我諗夏天至秋天嗰個時間最舒服，因為我鍾意戶外舉行婚禮，有藍天白雲新鮮空氣嘅感覺。」
王祖藍與老婆李亞男姍姍來遲，他們表示因為去錯地方再趕過來所致，祖藍並笑說︰「今日天公造美，幾驚佢落雨﹗」祖藍透露與老婆剛由美國回港，此行是拍拖旅行欣賞歌劇，其間遇上懷孕的妮坦莉寶雯行山、史提芬史匹堡及希拉里一起看歌劇︰「睇劇嗰陣好多人喺我後面影相，我以為影我，原來係影希拉里，我仲以為紅到去嗰邊，點知唔係囉﹗」
