香港拳王「神奇小子」曹星如（Rex）擊敗日本拳王向井寬史，取得21連勝，不少圈中人專誠捧場撐Rex。今午Rex在Instagram上載新相，展示自己賽後的傷勢，他說：「琴日比完賽之後，處理好傷口，整晒所有嘢，已經係朝早7點了！當時好肚餓，但又開始有睡意，最後選擇瞓覺。今朝，十點已經自然醒咗，但曹太未起身，唯有望梅止渴，咬住粒草莓先。今朝，我再望真啲自己比賽嘅傷勢+賽前舊患，小弟粗略估計，康復時間需時2個月﹗預計6月頭開始，重新投入訓練，迎接下一個艱苦嘅挑戰！最後，多謝大家冒住心藏病發嘅危險嚟入埸支持我﹗#多謝大家為曹星如集氣 #嚇死人咩心都離一離 #係時候休息。」
