【山頂撐檯腳】陳展鵬否認秘戀單文柔︰我未結婚拍拖 (18:33)

文章日期:2017年03月17日

【今日直擊】與胡定欣已被坊間認定是一對的陳展鵬,日前被拍得與落選港姐單文柔夜遊拍拖聖地太平山頂疑似秘戀中,陳展鵬透過電話否認戀情並解釋︰「佢係幫我做stylist,我哋係喺佢選港姐後識,後來知道佢原來讀時裝,之前3個登台佢都免費幫我畀意見,於是我應承請佢食飯。咁啱嗰日佢喺中環,但附近餐廳爆晒,於是提議買嘢上車食,但中環又泊唔到車,於是就上咗山頂,好明白山頂會令人誤會,如果去飛鵝山仲大鑊﹗」他又不忘向定欣和單文柔致歉︰「我未結婚拍拖,講到偷食又連累到人就唔好,我都要講句唔好意思,搞到胡定欣,又影響到單文柔,如果有乜訪問搵我就得!」至於與胡定欣的關係,他說︰「真得好忙,劇接劇,冇時間話發唔發展。」

 

(即時娛樂)