【B女似哥哥】張繼聰指囝囝無呷醋:佢對妹妹好柔情 (13:37)

文章日期:2017年03月27日

【今日直擊】張繼聰今日與囝囝張瞻,到醫院接太太謝安琪(Kay)和囡囡張靖(Karina)出院,阿聰單獨受訪,問到囡囡像誰?他說:「似我個仔,囡囡出世時同我個囝囝細個一樣樣,過了幾天後,當然希望她像媽咪,無乜嘢都不要似我,現在輪廓愈來愈明顯,隻眼OK大,應該雙眼皮,我覺得似我個仔,太太都覺得似囝囝,還將囝囝兒時照片對比,分唔到邊個打邊個,護士話囡囡似我老婆,尤其個嘴仔,似老婆都好滿意。」

阿聰又讚囝囝好惜妹妹:「我個仔抱我個女抱得好溫柔,初初都擔心個仔點樣對妹妹,但睇到他又幾柔情,當妹妹喊時,他好溫柔叫妹妹不要喊,哥哥喺度。」阿聰坦言起初也驚囝囝呷醋,不過張瞻好惜妹妹,並無呷醋。有無送禮物給囝囝?他說:「有,今年用了囡囡的利市錢,買了球星咭Boxset給囝囝,當是妹妹送給他,我個仔有交戲,讚妹妹是全世界最好的公主,希望2兄妹感情好。」阿聰又指已請陪月照顧太太和女兒。

(即時娛樂)