謝安琪（Kay）﹑楊愛瑾（Miki）﹑車婉婉和葉翠翠，先後榮升星級媽咪，他們都愛在社交平台分享兒女經。日前誕下「小王子」的葉翠翠，今午在instagram上載囝囝新相，相中「小王子」正在熟睡，並握緊媽媽手指，翠翠窩心表示：「超級爸爸去左（咗）買菜，現在是親子時間，換左（咗）兩次尿片，食左（咗）一次奶。還額（握）著媽媽隻手。」十分溫馨。
Miki在ig上載囝囝LuLu瞓大牀照片，Miki說：「LuLu很滿意自己的大床，現在最重要的就是睡得好食得好。」
車婉婉上月28日誕下9磅肥B仔Justus（乳名BBQ），現時有子萬事足，日前她在ig分享了好友鄭秀文探BBQ的照片，今午婉婉又再分享BBQ新相，相中BBQ個甫士好像在「思考」，婉婉寫道：「高齡日誌之諗諗先，新老板（闆）話事態少少嚴重，比啲時間佢考慮一下...應該幾時用餐，BBQ so Cute」
再做老竇的張繼聰，除了忙工作掙奶粉錢外，當然亦忙湊女，他並無曬囡囡新相，只在facebook上載公仔照，並說：「靜靜咁陪住你瞓覺覺豬，Daddy真係覺得I am the king of the world 雖然其他人可能會話Daddy成個痴漢咁款，不過Daddy係唔會理嘅。」
