【今日直擊】88歲白雪仙（仙姐）聯同兩大徒弟陳寶珠及梅雪詩（阿嗲）今日出席《蝶影紅梨記》記者會，後輩劉兆銘及劉松仁齊來撐場。仙姐今次擔任藝術總監，只見她台上動作多多，對答如流又生鬼。今次是紀念粵劇界一代大師唐滌生冥壽100周年，問到仙姐為何揀選《蝶影紅梨記》？仙姐說：「無乜點解，若果我做《九天玄女》，你又會問點解，唐滌生寫《蝶影紅梨記》寫得好好，但今次改動了7次，刪繁就簡，希望做到最好，會接受大家善意批評。」台下劉兆銘見仙姐如此精神，忍不住代粉絲追問她會否出山？仙姐就妙答：「唔係話，你們想睇『元旦』，不會再演戲了，無意再出山。」
陳寶珠及阿嗲這次被師傅全程睇到實，寶珠姐表明好緊張，希望和阿嗲做得好，而阿嗲話自己雖然是做這次劇目最多一個的演員，心情同樣緊張。問兩人怕否仙姐鬧人？兩人表示：「唔怕，反而想鬧多啲，鬧先當徒弟，唔鬧唔當徒弟﹗」
