吳卓羲想有女朋友陪睇首映 (22:21)

文章日期:2017年04月19日

【今晚直擊】吳卓羲與劉德華主演電影《拆彈專家》今晚首映,墮馬受傷的劉德華就拍短片支持,給現場粉絲一個驚喜。華仔表示:「大家好,我是爆炸品處理課高級督察章在山(華仔戲中名字), 我今日有突發事在身,來不到現場,但有No.Two同一班手足為大家解除危機。」

吳卓羲(Ron)透露今晚家人也有來捧場,希望下次有女朋友一齊睇首映。Ron說:「這1、2年變成宅男,除工作以外就留在家中,所以好難結識女性朋友,認識都已結婚。(朋友沒有介紹?)有,奈何自己真的無時間,朋友話約出來食飯,介紹啲女仔我識。(有否睇過女仔相?)有,眼緣好緊要,都是做朋友先,但我們不是相睇。(想不想拍拖?)想,Dry好耐,因為成日開工,無時間認識女性。(個人圈子細?)是,以前在TVB見都見過晒。(現在有些新人?)已經不是員工,未必入到去。(返去拍劇就可以?)唔可以為識女仔而返去拍劇﹗」提到受傷的華仔用柺仗站起來,Ron表示:「睇到,他是幾細心,睇網上留言是報喜不喜憂,不想粉絲擔心,他是我偶像,睇到都有心痛,快些去練返好腳肌肉,希望日後再有機會同華哥合作。」

(即時娛樂)