【開腔回應小龍女事件】成龍:一世係咁 永遠係咁! (12:19)

文章日期:2017年4月21日

成龍親生女兒吳卓林與吳綺莉最近爆發連串事件,兩母女搞到上差館,吳綺莉更開記招大爆無收過成龍一分一毫,結果令向太(陳嵐)要代成龍抱不平,大爆成龍以前曾攬住她喊,聲稱曾被人恐嚇勒索。

成龍連日來未有正面回應此事,直至昨晚於澳門《榜中榜》活動終於肯開腔回應。被問到向太力撐自己?成龍說:「我現在都唔睇八卦新聞,少了好多煩惱﹗(向太話你曾攬住她喊?)多謝你們﹗(有無睇過卓林新聞?)我現在唔睇新聞,唔上網,少了好多煩惱,以前就睇到好多煩惱。(被重提舊事會否不開心?)唔會,我現在做人無乜唔開心。(怕否事件影響到自己?)一世係咁,永遠係咁﹗

當追問向太更爆出他曾被人恐嚇勒索,成龍身邊工作人員即代為解圍,並指還有傳媒等做訪問,成龍亦趁機話有人等緊,隨即起身離開,但他轉身後又再回頭說:「我現在無乜唔開心,連奧斯卡都攞埋﹗」強調現時心情大佳。

(即時娛樂)

 

RELATED