【兩個都惜】黎諾懿親整啫哩蛋糕為老婆慶生 (14:52)

文章日期:2017年05月02日

有「神之馬壯」外號的黎諾懿上個月榮升老竇,太太李潔瑩為他誕下囝囝「小春雞」,之後經常發放小春雞生活照,以為他全部專注力放到囝囝身上,老婆地位不保。

黎諾懿今日終於做嘢,上載一段親手整蛋糕片段,原來佢心入面仲好惜老婆,親手整啫哩蛋糕同太太李潔瑩慶祝生日,非常窩心﹗片中見到黎諾懿細心整了幾款啫喱,可謂落足心機,而製成品仲相當靚,十足大師傅所做。最後兩公婆開心合照曬恩愛之餘,一家三口更來個幸福大合照。

黎諾懿更留言:「皇后生日啦!暫時唔食得蛋糕,今年食住老公牌彩啫哩蛋糕先,辛苦你了,愛妳,生日快樂。」

(即時娛樂)