【娛事追擊】杜如風雖然尚未名花有主，不過卻緋聞男友多多，未有真姻緣出現前，今日她就有兩位前度緋聞男友陪行街，其中就有剛宣布名草有主的35歲余文樂，他與台灣女友「皮帶千金」王棠云公告戀情，仍依舊約這位過氣緋聞女友杜如風去行街，另一位猛男亦是有報道為杜如風化妝師的男友Alvin，對方可在其寓所出入自如，被指兩人感情非一般密切，不過杜如風視相識多年的兩人如兄弟，所以一於懶理，三人行做土豪一拖二出巡購物。
兩位男士更陪她到Jimmy Choo試鞋，莫非樂仔都想買畀女友?所以搵杜如風介紹靚款?而杜如風在揀鞋期間，樂仔不時講電話，一直講到對方買完難離開店舖。記者上前問樂仔是否想揀鞋畀女友?樂仔說:「唔係，我係陪杜如風行街呀!」直認陪行街，更毋懼女友王棠云會呷醋!
